Agar aap office me kaam karte hai to aapko roj kayi saare Emails aate hoge. Lekin agar aapne nayi-nayi Email Id banayi hai aur aapko bas kabhi-kabhi Email ki jaroorat padti hai to shayad aapko sahi tareeke se Email likhna nahi aata hoga. Ye bhi ho sakta hai ki aap kisi company me job ke liye apply kar rahe hai aur aapko apna resume Email ke dwara bhejna hai.
Ek bekar likha Hua Email aapke kaamyabi me rukawatban sakta hai. Internet par Hindi me bohut se log ye to bata rahe hai ki id kaise banate hai lekin uske aage ki jarurt ki baat koi nahi batata “Ki Email kaise likhte hai?”.
Is article me hum ek bhadia email likhne ke baare me charcha karege.
Subject
Email ka sabse jarori hissa hota hai uska Subject(Vishye) kyoki jab koi apna Inbox dekh raha hota hai to uske samne aneko Email ke subjects likhe hote hai. Agar subject hi galat likha hoga to koi Email bhi nahi kholke dekhna cahega.
Subject hi batata hai ki Email faltu hai ya kaam ka. Agar aap apne dost ko Email kar rahe hai to baat doosari hai. Lekin aap kisi company ko email kar rahe hai jinko ki din me hazaro Emails aate hai, to aapka subject ekdum sahi hona cahiye.
Mai aapko kuch tips deta hu ki email kaise likhe:
- Subject ko chota rakhe: Computer par agar koi email check kar raha hai to usko lagbhag 50-60 alphabets se badi subject line nahi dikh sakti aur mobile par 20-30 words se upar nahi dikhti. To subject to chote hi rakha chahiye, faltu ke words jaise ki “Hello” “Hi” mat bhare.
Seedha subject rakhe jaise ki “Sales Manager Job Application“ - Sabse jaroori akshar sabse pehle: Kyoki bohut sare log aaj kal email mobile par padte hai. To agar sabse jaroori shabd sabse pehele hoge to jo email ka subject hai wo poori tarha se katega nahi.
Udharan: “Sales Manager with 4 Years of Word Experience”. - Seedhi baat likhe: Jab hajaaro Email hoge to aap koi nawab to hai nahi ki padhne wala aapke Email par jada time lagayega, wo to bas jhat se dekhege samajh aaya to theek nahi to delete kardega. “Resume for Job” ko padh kar kuch nahi pata chalta ki kiska resume hai aur konsi job ke liye hai. To aap ye likh sakte hai “Vipin Sharma’s resume for Sales Manager” ab subject padhte hi samajh aata hai ki Email ke andar kya hoga.
In thodi si baato ka dhyan rakho ge to aapko Email kam se kam padhne ke liye khol to liya hi jayega.
Message
Ab aata hai message, humne bhadia sa subject likh kar apne Email khulwa toh liya lekin andar bhi kuch kaam ka likha hona cahiye. Agar aap kaam ki baat likhna cahte ho to ek Bussiness professional ki tarha Email likha bohut jaroori hai.
Sabse pehle Namaste
Jab aap kisi ko milte ho to sabse pehle “Hello” ya “Hi” bolte ho na. Yaha bhi sabse pehle yahi karna hai.
Agar aap kisi aise vyakti ko Email bhej rahe ho jisko aap jante nahi to aap email ki shuruwaat aise kar sakte hai.
- Hello Mr Harjeet
- Dear Mr Ratan
- Dear Sir/Madam (agar aap jaante nahi ki Email kisko jayega)
Agar aap us vyakti ko thoda bhut jaante ho to aap ye likh sakte hai.
- Hello Jony
- Dear Anjali
Aur agar aap us vyakti to achi tarha jaante ho aur wo aapse chote hai to aap unhe “Hi Rahul” likhkar Email ki shuruwat kar sakte ho.
Ab aapni baat kahe
Bilkul seedhi baat karni hai, asal me aaj kal kisi par itna time nahi hai jo lamba choda ghuma fira ke likha hua Email padega, kum shabdo me Ekdum kaam ki seedi baat karne ki koshish kijiye.
Aagar phir bhi aapke Email me kuch lambi cheez likhne hai. Jaise ki kisi ko sawaalo ki list bhejne hai, ya suggestion deni hai toh aap apne Email ko (bullet) points me tod sakte hai, isse aapka Email aasaani se padne layak ban jayega.
Aur haa ek email me ek hi vishye ke baare me baat karna, kayi saari cheezo ke baare me likhne se Email ki value kam ho jati hai, aur aapka jaroori kaam bhi nahi ho payega.
Email khatam kare
Ab aapne apni baat kahdi, jaise hum letter (patra) likhte hai usi tarha email me bhi akhir me hame apna naam likhna hota hai.
Agar aap koi opcharic (formal) Email kar rahe hai toh aap neeche apne naam se pehele ye likh sakte hai:
- Your Sincerely, (agar aapne upar Sir/Madam likha hai to)
Sahil Kapoor - Best regards,
Rakesh Singh - Kind regard,
Kamal Sharma - Regards,
Arpit Jain
Aur agar aap apne kisi dost ya rishtedaar ko Email kar rahe ho toh aap neeche “Take care”, “Have a nice day” ya “Best of luck” likh sakte hai.
Chalo phir dekhte hai ki ek accha Email kaise hota hai:
Subject: Sahil Kappor’s Resume For Sales Manager Opening
Dear Sir/Madam, I am posting this resume for the position of Sales Manager, which was recently published in the newspaper. I believe that I am well qualified for this job position, and I am very enthusiastic regarding this opportunity. Please find my resume in the attachments. Kindly contact me on +91 9876543210 if you experience any problem in opening the attachments. Thank you, Yours sincerely, Sahil Kapoor
Mujhe lagta hai ki itne kuch karne ke baad aap ek acha Email likhna sikh jayege. Baki aapki practice par nirbhar karta hai.
Dekho mera is website se target hai ki me aapko kaam ki baat batau, faltu time waste karne waali cheeze nahi.
Agar ye article aapko kaam ka laga to apne anubhav ke baare me neeche comment kare.
Agar aapka koi sawaal hai to aap wo bhi pooch sakte hai.
Thank You 
0 Comments